आइतबार ३० बैशाख, २०८१ | Sunday May 12, 2024
काठमाडौं । शेयर बजार लगातार घटिरहेको छ । यसैक्रममा आज पनि बजार ओरालो झरेको हो ।
नेपाल स्टक एक्सचेञ्ज लिमटेड (नेप्से) का अनुसार आज बजार ६.२६ अंकले घटेको हो । ०.३१ प्रतिशतले बजार घट्दा नेप्से परिसूचक २०१२.०७ अंकमा ओर्लिएको छ ।
होटल एण्ड टुरिजम समूह १.१६ प्रतिशतले बढ्यो भने बाँकी समूह राताम्मे भए ।
आज ३१५ कम्पनीका ७२ लाख ९० हजार २ सय कित्ता शेयर किनबेच हुँदा २ अर्ब ८७ करोड ४७ लाख ५४ हजार ३ सय ५.७५ रुपियाँ बराबरको कारोबार भएको छ ।
समग्रमा बजार घटे पनि गुराँस लघुवित्त, माई खोला हाइड्रो र महुली लघुवित्तका लगानीकर्ताहरुले क्रमशः १०, १० र ९.४४ प्रतिशतले नाफा कमाए ।
त्यस्तै रिभर फल्स पावरका लगानीकर्ताहरुले सबैभन्दा बढी ९.९८ प्रतिशतले घाटा व्यहोरे ।
आज पनि सर्वोत्तम सिमेन्टको उच्च कारोबार भयो । उक्त कम्पनीको ४७ करोड २९ लाख १७ हजार ६ सय ३२.५० रुपियाँ बराबरको कारोबार भएको नेप्सले जनाएको छ ।
साताको पहिलो दिन हिजो आइतबार बजार १७.३० अंकले घट्दा ३ अर्ब २० करोड ५३ लाख ३२ हजनार ३ सय २४.७६ रुपियाँ बराबरको कारोबार भएको थियो ।
