बुधबार २ जेठ, २०८१ | Wednesday May 15, 2024
काठमाडौं । इलाम–२ उपनिर्वाचनमा नेकपा एमाले र बझाङ-१ मा कांग्रेसको अग्रता कायमै छ ।
अहिलेसम्म इलाममा एमालेका उम्मेदवार सुहाङ नेम्वाङले ८ हजार ४८७ मत प्राप्त गरेका छन् ।
दोस्रो स्थानमा कांग्रेस छ । कांग्रेसका उमेदवार डम्बर खड्काले ५ हजार ८४४ मत पाएका छन् ।
त्यस्तै, स्वतन्त्र उमेदवार डकेन्द्रसिंह थेगिमले ४ हजार ६६२ मत प्राप्त गरेका छन् भने रास्वपाका मिलन लिम्बूले १ हजार २६९ मत प्राप्त गरेका छन् ।
त्यसैगरी, बझाङमा नेपाली कांग्रेस अगाडि छ ।
कांग्रेस उमेदवार अभिषेकबहादुर सिंहले ८ हजार २२७ मतसहित अग्रता कायम गरेका छन् भने नेकपा एमाले उम्मेदवार दमनबहादुर भण्डारी ७ हजार ९७४ मतसहित दोस्रो स्थानमा छन् ।
त्यसैगरी, माओवादी केन्द्रका जनक बुढाले ३ हजार ३३ मत प्राप्त गरेको निर्वाचन आयोगले जनाएको छ ।
दुवै स्थानमा मतगणना जारी छ ।
