सप्तरीमा आगलागीले पाँच घर जलेर नष्ट

,   १९ जेष्ठ २०७६, आईतवार, ०२:४४ pm   
fire

फाईल फोटो

heli

सप्तरी । सप्तरीमा बोदेबरसाइन नगरपालिका–३ स्थित गौराटोलमा शनिबार राति आगलागी हुँदा पाँच घर जलेर नष्ट भएको छ।

राशिन्द्र यादवको घरमा विद्युत् चुहिएर भएको आगलागीमा यादवको एक घरसहित काशिन्द्र यादव, जयनारायण यादव, जागेश्वर यादव र ध्रुवकुमार यादवको एक–एक घर पूर्णरूपमा जलेर नष्ट भएको छ ।

आगलागीमा परी अन्नपात, लत्ताकपडा, भाँडा, पम्पिङ सेट, पक्षीसहित सरसामान जलेर नष्ट हुँदा करीब सात लाख बराबरको क्षति भएको पीडितहरुले जनाएका छन् ।

नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा राजविराज नगरपालिका र शम्भुनाथ नगरपालिकाबाट गएको वारूणयन्त्रको सहयोगमा आगो नियन्त्रणमा लिइएको थियो।