काठमाडौं । सनराइज बैंक र सिद्धार्थ क्यापिटलबीच डिबेञ्चर निष्कासन सम्बन्धी सम्झौता भएको बैंकले जनाएको छ । सम्झौता अनुसार सिद्धार्थ क्यापिटलाई सनराइज डिबेञ्चर २०८३ को डिबेञ्चर ट्रस्टी र वितरण प्रबन्धकका रूपमा नियुक्त गरिएको छ ।
बैंकले अर्धवार्षिक रूपमा भुक्तानी हुने गरी १०.२५ प्रतिशत वार्षिक ब्याजदर रहेको ३ अर्ब रुपियाँ रकम बराबरको उक्त डिबेञ्चरको समय अवधि ७ वर्षको रहने जनाएको छ ।
सम्झौतापत्रमा सनराइज बैंकका तर्फबाट प्रमुख कार्यकारी अधिकृत जनकशर्मा पौड्याल र सिद्धार्थ क्यापिटलका तर्फबाट प्रमुख कार्यकारी अधिकृत ध्रुव तिमिल्सिनाले हस्ताक्षर गरेका थिए ।
