फेल भएका १२८४ जनालाई सवारी लाइसेन्स दिने यातायातका प्रमुख सहित ३८ जना बिरुद्ध मुद्दा

काठमाडौँ । अख्तियार दुरुपयोग अनुसन्धान आयोगले यातायात व्यवस्था कार्यालय सवारी चालक अनुमतिपत्र प्रदेश नम्बर ३ ललितपुर एकान्तकुना कार्यालयका तत्कालीन प्रमुख उपसचिव आनन्दकेशरी पोखरेल सहित ३८ जना बिरुद्ध मुद्दा दर्ता गरेको छ । २०६९ साल बैशाख, जेठ र असार महिनाभित्र प्रयोगात्मक परीक्षामा फेल भएका १२८४ जनाको नतिजा गैरकानूनी तरिकाले पास बनाई परिणाम फेरबदल गरी लाइसेन्स जारी गरेको अख्तियारले आइतबार दायर गरेको आरोप पत्रमा उल्लेख छ ।

यसरी जारी गरेका लाइसेन्सहरुको सरकारी कागजात नोक्सान गरेको र लिनु पर्ने राजश्व समेत नलिई राजश्व चुहावट गरी सरकारी सम्पत्ति हिनामिना गरेका पुष्टी भएकोले ३८ जना विरुद्ध जरिवाना र कैद सजाय माग दाबी सहित विशेष अदालत काठमाडौँमा मुद्दा दायर गरिएको हो । तत्कालीन कार्यालय प्रमुख पोखरेललाई ८ लाख ८० हजार बिगो कायम गरी बिगोको दोब्बर जरिवाना सहित कैद सजायको माग दाबी गरिएको छ ।

त्यसैगरी हाल अवकाश प्राप्त इञ्जिनियर बासुदेव पोखरेलाई ३ लाख ४६ हजार ७ सय ५० रुपैयाँ, प्रहरी निरीक्षक मुरारी मिश्रलाई २४ हजार ३ सय, तत्कालीन प्रहरी निरीक्षक(हाल प्रहरी उपरीक्षक)नवराज थापालाई २४ हजार ९ सय, शाखा अधिकृत(हाल अवकास) राममणि पोखरेललाई ३५ हजार ९ सय, शाखा अधिकृत(हाल निलम्बन) इश्वरराज रेग्मीलाई ३० हजार, शाखा अधिकृत शम्भुप्रसाद थपलियालाई ११ हजार १ सय, शाखा अधिकृत(हाल उपसचिव) धर्मराज ढुंगानालाई ३ हजार २ सय र तत्कालीन शाखा अधिकृत(हाल उपसचिव) बाबुलाल रेग्मीलाई ७ सय रुपैयाँ बिगो रकम कायम गरी बिगोको दोब्बर जरिवार सहित भ्रष्टाचार निवारण ऐन २०५९ को दफा १३ बमोजिक सजायको माग दाबी गरिएको छ ।

मुद्दा दर्ता भएका अन्य  व्यक्तिहरू:

सि.नं.	पद	नामथर	बिगो रकम	कैफियत
१	शाखा अधिकृत (हाल निलम्बन)	चक्रबहादुर श्रेष्ठ	रु. १,७००।-	जारी गर्ने
२	शाखा अधिकृत	पदमप्रसाद पोखरेल	रु. २,८००।-	''
३	शाखा अधिकृत (हाल अधिकृत स्तर आठौं)	वासुदेब तिवारी	रु. ३,३००।-	''
४	शाखा अधिकृत(हाल सेवा निवृत्त)	भरतकुमार थापा	रु. १,७००।-	''
५	शाखा अधिकृत (हाल निलम्बन)	सिताराम खनाल	रु. ४,१५०।-	''
६	शाखा अधिकृत	भविन्द्र कार्की	रु. ३,०५०।-	''
७	नायव सुब्बा	वच्चुप्रसाद पोखरेल	रु. १००।-	सिफारिस गर्ने
८	नायव सुब्बा (हाल अधिकृत छैठौं)	स्थानेश्वर ढुङ्गाना	रु. २००।-	''
९	नायव सुब्बा	कमलकुमार खत्री	रु. १००।-	''
१०	नायव सुब्बा (हाल निलम्बन)	मदन गिरी	रु. २५०।-	"
११	नायव सुब्बा	प्रेमराज निरौला	रु. १,७००।-	''
१२	नायव सुब्बा(हाल अवकास)	राधाकृष्ण पोखरेल	रु. ५००।-	''
१३	नायव सुब्बा (हाल अधिकृत छैठौं)	सत्यबहादुर भण्डारी	रु. १००।-	''
१४	नायव सुब्बा	शिवप्रसाद चापागाई	रु. ५००।-	''
१५	नायव सुब्बा (हाल अधिकृत छैठौं)	उमाकान्त जोशी	रु. २००।-	''
१६	प्राविधिक नायब सुब्बा (हाल अवकास)	सुर्य बज्र वज्राचार्य	रु. २,७००।-	''
१७	कम्प्युटर अपरेटर (हाल अधिकृत सातौं)	सन्जिव न्यौपाने	रु. १००।-	''
१८	टाईपिष्ट नायव सुब्बा	कविता खड्का	रु. २,१००।-	''
१९	टाईपिष्ट नायव सुब्बा	रञ्जुसेन पाण्डे	रु. १००।-	''
२०	खरिदार(हाल ना.सु.)	वावुकृष्ण महत	रु. १००।-	''
२१	खरिदार (हाल निलम्बन)	बद्रीप्रसाद दाहाल	रु. १००।-	''
२२	खरिदार (हाल सहायक स्तर पाँचौं)	कोषबहादुर थापा	रु. २००।-	''
२३	खरिदार (हाल सहायक स्तर पाँचौं)	माधवप्रसाद कोइराला	रु. ३५०।-	''
२४	खरिदार(हाल ना.सु.)	मणिराम कोइराला	रु. ३००।-	''
२५	खरिदार (हाल अवकास)	प्रतिभा न्यौपाने क्षेत्री	रु. १००।-	''
२६	खरिदार .	रघुनाथ के.सी	रु. २००।-	''
२७	खरिदार (हाल ना.सु.)	रामप्रसाद भट्टराई	रु. ९००।-	''
२८	खरिदार (हाल ना.सु)	तिर्थराज जैशी	रु. १,३००।-	''
२९	टा.खरिदार (टा.ना.सु)	तुलसा श्रेष्ठ अधिकारी	रु. ५००।-	''