काठमाडौँ । नेपाल इन्स्योरेन्सले शेयरधनीहरुका लागि लाभांश घोषणा गरेको छ ।
बुधबार बसेको कम्पनी सञ्चालक समितिको बैठकले आव २०७५/७६ को नाफाबाट हाल कायम चुक्ता पूँजीको ५ प्रतिशत बोनस शेयर र २.८९ नगद लाभांश प्रस्ताव गर्ने निर्णय गरेको कम्पनी सचिव चन्द्रनाथ उप्रेतीले जनाएका छन् ।
कम्पनीको हाल कायम चुक्ता पूँजी १ अर्ब ९ करोड ५५ लाख ३६ हजार ६५२ रुपियाँ रहेको छ ।
सञ्चालक समितिले प्रस्ताव गरेको लाभांश बीमा समितिको स्वीकृति र कम्पनीको आगामी साधारण सभाले पारित गरेपछि वितरण गरिने कम्पनी सचिव उप्रेतीले बताए ।
