काठमाडौं । राजनीतिक विश्लेषक मुमाराम खनालले हाम्रो राजनीति कोरोना महामारीबाट जनता जोगाउन भन्दा पनि जसरी हुन्छ जनताबाट कर मात्रै अशुल गर्न लागिपरेको बताएका छन् ।
पछिल्लो राजनीतिक बेथितिप्रति ब्यङ्ग्य गर्दै सामाजिक सञ्जालमा उनले कोरोना महामारीका कारण जनता अक्सिजन नपाएर ज्यान गुमाउने क्रम बढ्दै गएको बेला पनि सरकार र दलहरूको ध्यान अन्य कुरामा रहेको भन्दै जनताको मृत्युको कारण नै सरकार र नेपालको राजनीतिक दल भएको संकेत गरेका छन् ।
खनालले लेखेका छन्, ‘अस्पताल र बेड अनि अक्सिजन र भेन्टिलेटर( बिरामी आफैले जोहो गर। र, दाहसंस्कारको लागि समशानघाट मृतक आफैले खोज। हामी सरकार र दल हौं– राजनीति गर्छौ। हाम्रो राजनीतिको लागि भाग्यले बाँचेकाहरू– कर तिर। खासमा ‘अक्सिजनको कमीले होइन, राजनीतिले फालेको ‘कार्बनडाईअक्साईड’ले जनता मर्दैछन्।’
अस्पताल र बेड अनि अक्सिजन र भेन्टिलेटर- बिरामी आफैले जोहो गर। र, दाहसंस्कारको लागि स्मशानघाट- मृतक आफैले खोज। हामी सरकार र दल हौं- राजनीति गर्छौ। हाम्रो राजनीतिको लागि भाग्यले बाँचेकाहरू- कर तिर।
— Muma Ram Khanal (@MumaRamKhanal) May 12, 2021
खासमा 'अक्सिजन'को कमीले होइन, राजनीतिले फालेको 'कार्बनडाईअक्साईड'ले जनता मर्दैछन्।