शनिबार १५ बैशाख, २०८१ | Saturday Apr 27, 2024
काठमाडौं । अमेरिकाले सात बर्षअघि पठाएको अन्तरिक्ष यान ‘पर्सिभिअरन्स’ शुक्रबार बिहान सफलतापूर्वक मंगल ग्रहमा अवतरण गरेको छ ।
मंगल सतहमा आफूहरुले पठाएको रोबोट सुरक्षित ढंगले अवतरण गरेपछि क्यालिफोर्नियास्थित कन्ट्रोल सेन्टरमा अमेरिकी अन्तरिक्ष निकाय नासाका वैज्ञानिकहरूले खुशी मनाएका थिए । सेन्टरमा केही समय खुशीले होहल्ला मच्चिएको थियो ।
‘पर्सिभिअरन्स’ शुक्रबार बिहान करिव पौन ३ बजे मंगल ग्रहको सतहमा अवतरण गरेको हो । अन्तर्राष्ट्रिय समाचार संस्थाहरुका अनुसार उक्त यान ४७ करोड किलोमिटर यात्रा गरेर मंगलमा पुगेको हो ।
छ वटा पाङ्ग्रा भएको रोबटलाई मंगल ग्रहमा पानी भएको नजिकै अवतरण गराउने तयारी भइरहेको यसअघि समाचार आएको थियो । यस रोबटले मंगल ग्रहमा पानी र जीवन भएनभएको अध्ययन गर्न ठूलो सफलता पाउने आशा लिइएको छ ।
मङ्गल ग्रहको वायुमण्डलमा प्रवेश गर्दा पर्सिभिअरन्सको गति २० हजार किलोमिटर प्रतिघण्टा हुने र वायुमण्डलमा प्रवेश गरेको सात मिनेटमा यो गतिलाई घटाउँदै सुस्तरुपमा अवतरण गराउनुपर्ने योजनाअनुसार नै यान अवतरण गराइएको जनाइएको छ ।
