काठमाडौं । पछिल्लो समय शेयर बजारमा सूचीकृत हुने कम्पनीको संख्या तीव्र रुपमा बढिरहेको छ । यससंगै शेयर बजार पनि क्षेत्र पनि विस्तार हुँदै गइरहेको छ । 

यसैक्रममा नेपाल धितोपत्र बोर्ड(सेबोन)मा हाल १९ कम्पनीले सर्वसाधारणको लागि आईपीओ निष्काशनको लागि आवेदन दिएका र बिक्री खुला गर्नका लागि स्वीकृति कुरिरहेका छन् । सेबोनको तथ्याङ्क अनुसार दुई कम्पनीले बोर्ड स्वीकृति पाएर  आईपीओ बिक्रीको गर्ने मिति तय गरिसकेका छन् ।  

रिलायबल लाईफ इन्स्योरेन्स कम्पनीले ६० लाख कित्ता आईपीओ प्रिमियम मूल्यमा निष्कासन गर्न लागेको छ भने आइएमई लाईफले प्रतिकित्ता सय रुपियाँको दरले सर्वसाधारणलाई आईपीओ जारी गर्ने जनाएको छ । आईपीओ निष्कासनको तयारीमा चार लघुवित्त वित्तीय संस्था छन् । 

जाल्पा लघुवित्त वित्तीय संस्था, नेष्को समृद्ध , राष्ट्रउत्थान, उपकार लघुवित्त वित्तीय संस्थाले आईपीओ निष्कासनको लागि बोर्डमा आवेदन दिएका छन् । आईपीओ बिक्री गर्नको लागि ११ विद्युत कम्पनी आवेदन दिएका छन  । डिस मिडिया प्रालीले पनि आईपीओ निष्कासनको लागि बोर्डमा आवेदन दिएको छ । यस्तै, इर्मेजिङ नेपालले पनि आईपीओ निष्कासनको लागि नेपाल धितोपत्र बोर्डमा आवेदन दिएको छ । 

तयारी पूरा गरेका कम्पनीः
बुद्धभूमि नेपाल हाइड्रोपावरले आज सोमबार (असोज ११ गते)बाट सर्वसाधारणका लागि आइपीओ बिक्री खुला गरेको छ । कम्पनीले ८ करोड रुपियाँ बराबरको आर्इपीओ बिक्री खुला गरेको हो । यसअनुसार यसले प्रतिकित्ता १०० अंकित मूल्यका दरले ८ लाख कित्ता साधारण सेयर निष्काशन गरेको छ ।  

यस्तै, आईपीओको निष्कासन तयारी पूरा गरेको अर्को कम्पनी न्यादी हाइड्रोपावर कम्पनी हो । यस कम्पनीले असोज १५ गतेदेखि सर्वसाधारणका लागि आइपीओ निष्कासन गर्ने भएको छ । कम्पनीले २२ करोड ५० लाख रुपियाँ बराबरको आइपीओ जारी गर्न लागेको हो । यसअनुसार यसले प्रतिकित्ता १०० अंकित मूल्यका दरले २२ लाख ५० हजार कित्ता साधारण सेयर निष्कासन गर्ने छ । यो मध्ये ५ प्रतिशत अर्थात् १ लाख १२ हजार ५ सय कित्ता सामुहीक लगानी कोष र २ प्रतिशत अर्थात् ४५ हजार कित्ता सेयर कर्मचारीहरुका लागि छुट्याइएको छ । बाँकी २० लाख ९२ हजार ५ सय कित्ताका लागि सर्वसाधारणले आवेदन दिन सक्नेछन् । 

कुन कम्पनीको आईपीओ कति ? 

बुद्धभूमिको ८ करोड रुपियाँको आईपीओ सोमबारदेखि, न्यादी हाइड्रोपावरको शुक्रबार