बुधबार १२ बैशाख, २०८१ | Wednesday Apr 24, 2024
काठमाडौँ । मानवीय संकटको सामना गरिरहेको अफगानिस्तानलाई नेपालले आइतबार सहयोग सामग्री पठाएको छ ।
परराष्ट्र मन्त्रालयका अधिकारीहरुसहित मानवीय सहायता सामग्री बोकेको हिमालय एयरलाइन्सको जहाज बिहान काबुलका लागि प्रस्तान गरेको छ । सहायता सामग्रीमा औषधि, लत्ताकपडा र अन्य सामग्री छन् ।
दश टन तौल बराबरको यी सामग्री काबुल अन्तर्राष्ट्रिय विमानस्थलमा लगेर राष्ट्र संघीय टोलीलाई हस्तान्तरण गरिने छ । दुई दशकसम्म अमेरिकी नियन्त्रणमा रहेको अफगानिस्तान गत अगस्टमा तालिबानले आफ्नो नियन्त्रणमा लिएको थियो ।
सत्ता सम्हाले पनि तालिवानले स्थिरता कायम गर्न नसक्दा मानवीय संकट उत्पन्न भएको हो । तालिबान सत्तामा आएसँगै विशेषगरी पश्चिमा सहायोग नआएपछि अफगानिस्तान समस्यामा परेको हो ।
संयुक्त राष्ट्र संघीय खाद्य कार्यक्रम (डब्लूएफपी)ले हिउँदमा अफगानिस्तानमा भोकमरीको ठूलो समस्या आउने र दुई करोड करोडभन्दा बढी मानिस प्रभावित हुने चेतावनी दिएको छ । यसबाट पाँच बर्षमुनीका ३२ लाख बालबालिका कुपोषणको शिकार हुनसक्ने उसको भनाई छ ।
