शनिबार १५ बैशाख, २०८१ | Saturday Apr 27, 2024
काठमाडौँ । ज्योति विकास बैंकले ‘हाम्रो विकास प्रवर्द्धन कोष’ मार्फत नुवाकोट स्थित देउराली प्राथमिक स्वास्थ्य केन्द्रलाई राष्ट्रिय आविष्कार केन्द्रद्वारा स्वदेशमै निर्मित बेबी वार्मर प्रदान गरेको छ । बेबी वार्मरले नवजात शिशुको शारिरिक तापक्रम उचित बनाई राख्न सहयोग गर्दछ ।
देउराली प्राथमिक स्वास्थ्य केन्द्रको प्राङ्गणमा आयोजित एक कार्यक्रममा ज्योति विकास बैंकका तर्फबाट बैंकका नुवाकोट र धादिङ क्षेत्रका प्रमुख रबिन रेग्मी र देउराली शाखा प्रबन्धक हर्क बहादुर तामाङद्वारा म्यागङ गाउँपालिका वडा नम्बर ३ का अध्यक्ष हरिबहादुर तामाङको उपस्थिमा सामरी स्वास्थ्य केन्द्रलाई सो बेबी वार्मर औपचारिक रुपमा हस्तान्तरण गरिएको थियो । साथै सोही कार्यक्रमका बीच अस्पतालका डाक्टर, नर्स लगायत विभिन्न सम्बन्धित कर्मचारीहरुलाई बेबी वार्मर संचालन सम्बन्धि विशेष तालिम पनि प्रदान गराईएको थियो ।
बैंकले न्यानो नानी परियोजना २ अन्तर्गत हालसालै लिपानिबिर्ता स्वास्थ्य चौकी(परवानीपुर, हेटौडा अस्पताल, बेतिनी सामुदायिक स्वास्थ्य चौकी फापरबारी, चन्द्रनिगाहपुर अस्पताल रौतहट, स्वास्थ्य चौकी चिउरीडाँडा खोटाङ, कल्पवृक्ष स्वास्थ्य चौकी सिन्धुली, बर्दिया जिल्ला अस्पताल, शिशुवा अस्पताल कास्की, महादेवपुरी स्वास्थ्य चौकी बाँके, स्वास्थ्य सेवा कार्यालय जाजरकोट, प्राथमिक स्वास्थ्य केन्द्र प्युठान र इनरुवा अस्पताल सुनसरीलाई एक–एक थान बेबी वार्मर प्रदान गरि १२ वटा बेबी वार्मर प्रदान गरिसकेको छ ।
बैंकले हाल ११४ शाखा कार्यालय, १ एक्सटेन्सन काउन्टर तथा ६३ वटा एटीइम मार्फत सेवा उपलव्ध गराउँदै आइरहेको छ ।
