अमेरिकी उपभोक्ता बजारमा व्हर्लपुल र जिइलाई उछिन्दै एलजी पहिलो, सामसुङ २०औं

काठमाडौं । एलजी इलेक्ट्रोनिक्सले व्हर्लपुल र जनरल इलेक्ट्रिक जस्ता विश्वव्यापी घरेलु उपकरण कम्पनीहरुलाई पछि पार्दै संयुक्त राज्य अमेरिका (यूएसए)को सबैभन्दा भरपर्दो साधारण उपकरण कम्पनी बनेको छ । 

अमेरिकी उपभोक्तासम्वन्धी एक संगठन ‘कन्ज्युमर रिपोर्टस्’का अनुसार, २०१२ देखि २०२२ सम्म पाँच वर्षे अवधिका अधारमा २५ वटा घरेलु उपकरण ब्रान्डको विश्वसनीयता मूल्यांकन गरिएकोमा एलजी इलेक्ट्रोनिक्सले उच्चतम अंक (७६) प्राप्त गरेको सो पत्रिको भनाई छ । 

यस पटक, वाशिङ मेसिन, ड्रायर, फ्रिज, डिस वासर, इलेक्ट्रिक÷ग्यास रेन्जेज, कुकटप, वलओभन, इन्टिग्रेटेड हुड, माइक्रोवेभ ओभन गरी आठ प्रकारका उपकरणहरुको जाँच गर्दा पाँच लाख २८ हजार आठ सयभन्दा बढी घरेलु उपकरणहरुको जाँच गरिएको थियो । 

उक्त मासिक पत्रिकाले नयाँ खरिद गरिएको उत्पादनको पाँच वर्षको मापनका आधारमा ‘उत्कृष्ट, धेरै राम्रो, औसत, खराब’ स्केलमा नयाँ खरिद गरिएका उत्पादनको जाँच गरेर मूल्यांकन गर्दछ । 

विशेषगरी, एलजी इलेक्ट्रोनिक्सले इलेक्ट्रिक एवं ग्यास रेन्जेज, कुकटप, वाशिङ मेसिन र ड्रायरसहित चार वटा घरेलु उपकरण कोटीहरुमा विश्वसनीयताका लागि उच्चतम स्कोर प्राप्त गरेको सो पत्रिकाको भनाई छ । व्हर्लपुल, जिइ र बोस्क प्रमुख उपभोक्ता इलेक्ट्रोनिक्स कम्पनीहरु सातौं स्थानमा छन् भने सामसङ इलेक्ट्रोनिक्स बिसौं स्थानमा रहेको छ । 

गत वर्ष एलजी इलेक्ट्रोनिक्सले ७८ अंक प्राप्त गरेको थियो जुन घरायसी उपकरण उत्पादन गर्ने कम्पनीहरुमध्ये सबैभन्दा उच्च हो । सन् २०११ र २०२१ बीच उपभोक्ता प्रतिवेदन सदस्यहरुले खरीद गरेका घरेलु उपकरणहरुको खरीदको पहिलो पाँच वर्षमा असफलता दरको सर्वेक्षणको नतिजामा अमेरिकी उपभोक्ताहरुमाझ एलजी इलेक्ट्रोनिक्स सबैभन्दा विश्वसनीय उत्पादन रहेको छ । 

एलजीले घरेलु उपकरण उत्पादक ब्रान्डहरुमध्ये आफ्नो स्थान उत्कृष्ट रहेको स्थापित गरेको पत्रिकाको भनाई छ । गत वर्ष एलजीले वासिङ मेसिन, ड्रायर, फ्रिज, डिस वासर, इलेक्ट्रिक÷ग्यास रेन्जेज, कुकटप, वलओभन र इन्टिग्रेटेड हुड, माइक्रोवेभ गरी आठ उत्पादन कोटीहरुमा अनुकूल मूल्यांकन पाएको थियो ।

उच्च विश्वसनीयताको आधारमा आफूहरुले आर्थिक मन्दीमा पनि आफ्नो नाफाको गतिमा सुधार ल्याइरहेको एलजीको भनाई छ । सो ब्राण्डको घरेलु उपकरणहरुको जिम्मा लिने एच एण्ड ए व्यवसायले पहिलो त्रैमासिकमा उच्चतम् प्रदर्शन गरेको देखाएको छ । 
यस वर्षको पहिलो त्रैमासिकमा एच एण्ड ए डिभिजन कार्यालयले राजस्वमा ८.२१७ ट्रिलियन वोन र सञ्चालन नाफामा १.८८ ट्रिलियन वोन उत्पन्न गरेको छ । अघिल्लो त्रैमासिकको तुलनामा विश्वव्यापी बिक्री समानरुपमा बढेको र एकल व्यापार विभाजनमा आधारित त्रैमासिकमा पहिलो पटक सञ्चालन नाफा १ ट्रिलियन वोन नाघेको एलजीको भनाई छ । 

उर्जा रेगुलेसनहरुमा प्रतिक्रिया दिने हिट पम्पहरु र उर्जा भण्डारण प्रणाली (ईएसएस) जस्ता उच्च दक्षता र पर्यावरणमैत्री उत्पादनहरुको बिक्री युरोप तथा अन्य उन्नत बजारमा उल्लेखनीय रुपमा बढेको जनाइएको छ । 

विद्यमान प्रिमियम घरेलु उपकरणहरुको प्रतिस्पर्धात्मक बजार सुदृढ गर्ने र भोल्युम क्षेत्र (बृहत उपभोग बजार)अनुरुप उत्पादन लाइनअपलाई विस्तार गर्ने दुई लाइनको रणनीतिले पनि अधिकतम् प्रदर्शन हासिल गर्न योगदान पुर्याएको भन्दै यस वर्षको पहिलो त्रैमासिकमा आयोजित सम्मेलनमा एलजी इलेक्ट्रोनिक्सका एक अधिकारीले भने, ‘एलजी इलेक्ट्रोनिक्सको एच एण्ड ए डिभिजनले यस वर्षको पहिलो त्रैमासिकमा अहिलेसम्मकै उच्चप्रदर्शन हासिल गरेको छ र दोहोरो अंकको अपरेटिङ मार्जिन हासिल गरेको छ । हामी गति जारी राख्नेछौं ।’