मङ्गलबार १८ बैशाख, २०८१ | Tuesday Apr 30, 2024
काठमाडौं । गल्फ लुब्रिकेन्टको उत्पादक एवम् वितरक नेपाल ल्युब आयल लिमिटेडले डिलर मिट कार्यक्रम सम्पन्न गरेको छ ।
धुलिखेलमा सम्पन्न उक्त दुई दिने कार्यक्रममा नेपाल भरीका करिब ५० भन्दा धेरै डिलर र नेपाल ल्युब आयलका प्रतिनिधिहरुले उपस्थिती जनाएका हुन् ।
कार्यक्रममा देश आर्थिक मन्दीबाट गुज्रिएको र डिलरहरुले सामना गर्नु परेका समस्याहरुका बारेका छलफल गरिएको थियो । कार्यक्रममा आगामी दिनमा अघि बढ्नका लागि वृहद रोड म्याप तयार गरिएको कम्पनीले जनाएको छ ।
उक्त अवसरमा नेपाल ल्युब आयलका कार्यकारी निर्देशक करण चौधरीले भने, ‘आफ्नो भन्दा पनि समग्रमा बाह्य रुपमा परेको असरले देशका अन्य उद्योगहरु पनि समस्यामा परेका छन् । त्यस्तो परिस्थीतीमा अझै पनि सुधार आउने केही छाँटकाट देखिएको छैन । आगामी दिनमा त्यस्ता समस्याहरुबाट बच्न बलिया रणनीतिहरुको आवश्यकता छ । सबैजनाको ऐक्यवद्धता यसमा आवश्यक छ ।’
गल्फ लुम्ब्रिकेन्ट नेपालमा मात्र नभई अन्तराष्ट्रिय रुपमा समेत परिचित रहेको कार्यक्रममा जानकारी दिइयो ।
