शुक्रबार २१ बैशाख, २०८१ | Friday May 03, 2024
काठमाडौं । नेपाल राष्ट्र बैंकले नीति निर्देशन उल्लंघन गर्ने ६ वटा वाणिज्य बैंकलाई कारवाही गरेको छ ।
बैंक सुपरिवेक्षण विभागले आव २०८०/८१ को पहिलो त्रैमासमा लक्ष्मी सनराइज बैंक, हिमालयन बैंक, एनएमबि बैंक, एनआईसी एशिया बैंक, नबिल बैंक र सिटिजन्स बैंकलाई कारवाही गरेको हो ।
यी मध्ये लक्ष्मी बैंकलाई सम्पत्ति शुद्धिकरण सम्बन्धी ऐन र निर्देशनको उल्लंघन गरेकाले ७० लाख रुपियाँ जरिवाना गरिएको छ ।
त्यस्तै हिमालयन बैंकलाई २०८० बैशाख महिनामा कर्जा÷निक्षेप अनुपात कायम नगर्दा १ करोड ६७ लाख ७१ हजार ४ सय ३४.०९ रुपियाँ जरिवाना गरिएको छ ।
यसैगरी निर्देशन उल्लंघन गर्ने अन्य चारवटालाई सचेत गराइएको राष्ट्र बैंकले उल्लेख गरेको छ ।
