बिहीबार ३ जेठ, २०८१ | Thursday May 16, 2024
काठमाडौं । नेपाल बीमा प्राधिकरणले बीमा कम्पनीका सीईओहरुको उमेर हद घटाएको छ । अब ६५ वर्ष कटेका व्यक्ति सीईओ पदमा नियुक्त हुन पाउने छैनन् । यसअघि उमेर हद ७० वर्ष थियो ।
प्राधिकरणले आज बीमकको संस्थागत सुशासन सम्बन्धी निर्देनशका, २०८० जारी गर्दै उमेर हद घटाएको हो ।
नयाँ निर्देशिका अनुसार कम्पनीहरुले रिक्त रहेको ३ महिनाभित्र सीईओ/डीसीईओ नियुक्त गरिसक्नु पर्नेछ । कम्पनीले आवश्यकता अनुसार सल्लाहकार नियुक्त गर्न सक्ने उल्लेख छ ।
नयाँ कानून अनुसार अभिकर्ताहरुले आफ्नो घर परिवारका सदस्यको बीमा आफ्नै कम्पनीमा गर्न पाउने छैनन् । साथै नाफाको १ प्रतिशत सीएसआरमा खर्च गर्नु पर्ने र २ प्रतिशत कर्मचारीहरुको क्षमता विकासमा खर्च गर्नु पर्ने उल्लेख छ ।
