एजेन्सी। अष्ट्रेलियामा एक चर्चित साइकल चालक आफ्नो साइकलबाट सडकमा लड्दा उसको आईफोन एक्कासी पड्किएर सोमबार दिउसो सख्त घाइते भएका छन् ।
छतिश वर्षीय ग्यारेथ क्लेयरले पकेटको पछाडीपट्टि राखेको आईफोन साईकल चलाइरहंदा पड्किएपछि उनको दाहिने तिघ्राको पछाडीपट्टि भाग जलेको छ जसलाई डाक्टरहरुले 'थर्ड डिग्री बर्न,' भनेका छन्।
उनले आफु आईफोन पड्किएर घाइते भएको कुरा आफ्नो टुइटर मार्फत जानकारी दिएका छन्। उनले यस्तो हुनमा आईफोन कम्पनीलाई दोस नलगाए पनि यस्तो किन र कसरी भयो र किन यस्तो हुन्छ भन्नेबारे मानिसले जान्नु पर्ने र सजग हुने पर्नेमा कम्पनीको ध्यानआकर्षण गरेका छन्।
ग्यारेथ अहिले सिद्द्नीको रोयल नोर्थ शोर हस्पिटलमा उपचारत छन् । अष्ट्रेलियामै रहेको आइफोन कम्पनीले यसबारे अझै केही बोलेको छैन। प्राय फोन पडकनुमा बढी तातेर, फोनमा बढी प्रेसर परेर वा थिचिएर यस्ता घटना हुन सक्छन।