काठमाडौं। नेपाल इन्भेष्टमेन्ट बैंकको ३२औं बार्षिक साधारणसभाले ४० प्रतिशत लाभांस दिने सञ्चालक समितिको प्रस्ताव पारित गरेको छ। बैंकको आइतबार बसेको साधारण सभाले गत वर्षको नाफबाट १८ प्रतिशत बोनस शेयर र २२ प्रतिशत नगद लाभांस पारित गरेको हो।
बैंकले गत आर्थिक बर्ष ३ अर्ब ६५ करोड रुपियाँ खुद नाफा गरेको थियो।
अब बैंकको चुक्ता पूँजी १२ अर्ब ५८ करोड रुपैयाँ पुगेको छ। बैंकको जगेडा कोषको रकम बढेर ९ अर्ब ७७ करोड रुपियाँ पुगेको बैंकले जानकारी गराएको छ। शेयरधनी कोष २४ अर्ब ८७ करोडको भएको छ। बैंकले गत बर्ष ३ अर्ब ६५ करोड रुपैयाँ खुद नाफा गरेको थियो।
बैंकको निक्षेप १ खर्ब ४० अर्ब र ऋण १ खर्ब २० अर्ब रुपियाँ पुगेको छ। बैंकको खराब कर्जा अनुपात भने १.३६ प्रतिशत छ। बैंकका हाल ७८ शाखा र १०९ वटा एटिएम छन्।