धनुषा । प्रदेश नम्बर २ सरकारलाई एनएमबि बैंकले चिकित्सकका लागि आवश्यक पर्ने व्यक्तिगत सुरक्षा समाग्री पिपिई सहयोग गरेको छ ।
कोरोना भाइरस कोभिड-१९ उपचारका लागि सहयोग पुर्याउने उद्देश्य एनएमबी बैंकका निक्षेप प्रबन्धक मिथिलेशकुमार झाले आज विहान एक सय थान पिपिई मुख्यमन्त्री लालबाबु राउतलाई हस्तान्तरण गरे ।
सो अवसरमा मुख्यमन्त्री राउतले कोरोना सङ्क्रमणको उपचारमा अत्यन्तै महत्वपूर्ण मानिएको स्वास्थ्य सामग्री पिपिईले उपचारमा खटिएका स्वास्थ्यकर्मीको मनोबल बढाएर उत्साहित बनाउन सहयोगी भूमिका निर्वाह गर्ने बताए ।
कार्यक्रममा प्रदेश नम्बर २ का सामाजिक विकासमन्त्री नवल किशोर साह, प्रदेशका मुख्यन्यायधिवक्ता दिपेन्द्र झा र चिकित्सकीय सल्लाहकार समूहका डा। राम केवल साहको उपस्थिति थियो ।
