शुक्रबार १४ बैशाख, २०८१ | Friday Apr 26, 2024
काठमाडौं । उपचार गराउन इण्डियाको नयाँ दिल्ली पुगेका नेता बाबुराम भट्टराईले त्यहाँजस्तो स्वास्थ्य परीषण र स्वास्थ्य सुविधाको व्यवस्था नेपालमा किन गर्न सकेनौं ? भनेर मन घोचेको बताएका छन् ।
पूर्वप्रधानमन्त्रीसमेत भइसकेका जनता समाजवादी पार्टीका उनले दिल्लीबाट ट्वीट गर्दै भ्यूटावर र पशुपतिमा जलहरी हाल्नुको सट्टा यतापट्टि ध्यान नगदैको भन्दै सरकारको आलोचना पनि गरेका छन् ।
बाबुराम लेख्छन्– दिल्लीमा डोटा–एनओसी, पीईटी स्क्यान आदि परीक्षण निम्ति चाहार्दैगर्दा हामीले देशमा यी उपकरण, सुविधाको पर्याप्त व्यवस्था किन गर्न सकेनौं भन्ने मनमा घोचिरह्यो १ केही बर्ष पहिले अर्थ र स्वास्थ्य मन्त्रालयमा यसबारे आफूले घच्घचाए पनि किन भएन ? भ्यूटावर, जलहरी सट्टा यता ध्यान खै ? नमरी स्वर्ग नदेखिने नै हो ?
मुलुकमा राजनीतिक संक्रमण चुलिएको बेला बाबुराम उपचारका लागि भन्दै एक्कासी दिल्ली पुगेका छन् ।
दिल्लीमाDOTA-NOC,PET Scan आदि परीक्षणनिम्ति चाहार्दैगर्दा हामीले देशमा यी उपकरण/सुविधाको पर्याप्त व्यवस्था किन गर्न सकेनौं भन्ने मनमा घोचिरह्यो!केही बर्ष पहिले अर्थ/स्वास्थ्य मन्त्रालयमा यसबारे आफुले घच्घचाए पनि किन भएन?भ्यूटावर,जलहरी सट्टा यता ध्यान खै?नमरी स्वर्ग नदेखिने नै हो? pic.twitter.com/IC3zXCnilV
— Baburam Bhattarai (@brb1954) February 25, 2021
