आफूलाई महन्थले साथ नदिने भएपछि ओलीलाई रोक्न बाबुरामलाई अघि सार्ने देउवाको रणनीति

काठमाडौं । जसरी हुन्छ प्रधानमन्त्रीमा केपी ओलीको निरन्तरता रोक्न नेपाली काँग्रेस, माओवादी केन्द्र र जनता समाजवादी पार्टीको उपेन्द्र महतो समूह लागिपरेको छ । संसदमा ओलीले विश्वासको मत पाउन नसकेपछि नयाँ सरकार गठनका लागि दल र नेताहरूको सक्रियता बढेको बेला बाबुराम एकाएक अगाडि देखा परेका हुन् । 

बाबुरामलाई अघि सार्दा महन्थ ठाकुर पक्ष बाध्य भएर आफ्नो दलको नेतालाई भोट हाल्न बाध्य हुने ओलीको नेतृत्वमा बहुमत दलको सरकार बनाउने रणनीति असफल हुने विश्वास काँग्रेसी नेताहरू र माओवादी केन्द्रका अध्यक्ष पुष्पकमल दाहाल प्रचण्डको छ । 

जसपाका आधा साँसद प्रधानमन्त्री केपी ओलीको पक्षमा रहेका छन् भने आधा देउवालाई प्रधानमन्त्री बनाउने पक्षमा देखिएका छन् । पार्टीमा दुई धार बनेसँगै जसपा विभाजनको अवस्थामा पुगेको छ । पार्टी फुट्ने स्थिति भएपछि सोमबार प्रधानमन्त्रीको विश्वासको मतका लागि भएको मतदानमा ह्वीप समेत जारी गरिएन् । 

जसपाका नेता उपेन्द्र महतो प्रचण्ड र देउवासँग मिलेर वैकल्पिक सरकार बनाउन लागिपछि ठाकुरले गएराति विज्ञप्ति जारी गरी सरकारमा सहभागी हुने वा कुनै पनि किसिमको वैकल्पिक सरकार गठनमा संलग्न हुने कार्य जसपाको उद्देश्य विपरित भएको बताएका छन् । उनले साथ नदिने हो भने ओलीको विकल्पमा नयाँ सरकार बनाउने कुरा असफल हुन्छ । 

ठाकुर समूहका कारण देउवाको नेतृत्वमा सरकार बन्ने सम्भावना कमजोर हुँदै गएको छ । जसपाले नै सरकारको नेतृत्वको दाबी गर्न सक्छ । जसपालाई सरकारको नेतृत्व दिन प्रचण्ड तयार भएपनि देउवा देखिदैनन् । देउवाले ओलीको विकल्प खोज्न जसपाको सरकारको नेतृत्व दाबीलाई मान्नुपर्ने हुन्छ । होइन भने ओली नै अल्पमतको प्रधानमन्त्री बनेर चुनावमा जान्छन् ।

अहिलेको सत्ता संघर्षले देउवा प्रधानमन्त्रीबाट रोकिने समभावना बढेर गएको छ । दौडमा ओली र डा। बाबुराम भट्टराईनै अगाडि देखिएका छन् । बाबुरामको विकल्पमा महन्थको सम्भावना पनि रहन सक्छ । तर, अबको प्रधानमन्त्रीको मुख्य प्रतिष्पर्धा ओली र बाबुरामबीच देखिएको छ ।

देउवा रिङबाट आउट हुने अवस्था बन्दैछ । यस्तो अवस्थामा निर्णायक शक्ति जसपा नै बन्ने र उसले सरकारको नेतृत्व दाबी गर्ने ठाउँ बलियो हुने देखिन्छ ।