बिहीबार ३ जेठ, २०८१ | Thursday May 16, 2024
काठमाडौं । जजिरा एअरवेजले भैरहवास्थित गौतम बुद्ध अन्तर्राष्ट्रिय विमानस्थलबाट पुनः उडान गर्ने भएको छ । पटक पटक उडान गर्दै स्थगित गर्दै आएको उक्त एयरलाइन्सले फेरि उडान गर्न लागेको हो ।
जजिराले आउँदो अक्टोबर २ बाट उडान गर्ने नेपाल नागरिक उड्डयन प्राधिकरणले जनाएको छ । जजिराले पोखरा अन्तर्राष्ट्रिय विमानस्थलबाट पनि उडान गर्न अध्ययन थालेको प्राधिकरणका प्रवक्ता जगन्नाथ निरौलाले जानकारी दिए ।
गौतम बुद्ध अन्तर्राष्ट्रिय विमानस्थलमा जजिरा एअरवेजले जेठको २ गते पहिलो अन्तर्राष्ट्रिय उडान गरेका थियो । त्यसपछि उसले विजनेश नभएको भन्दै उडान स्थगित गर्दै आएको थियो । यही गएको असार ६ गते पोखरा अन्तर्राष्ट्रिय विमानस्थलमा चिनियाँ जहाज सिचुवान एयरलाइन्सले चार्टर उडान गरेको थियो ।
ठूलो लगानीमा निर्माण भएका भैरहवा र पोखरा विमानस्थलमा अन्तर्राष्ट्रिय उडानहरु हुन नसक्दा ठूलो नोक्सान हुन लागेको भन्दै अहिले चिन्ताको विषय बनेको छ ।
