शुक्रबार ४ जेठ, २०८१ | Friday May 17, 2024
काठमाडौं । अभिनेत्री तथा हिमाल आरोही दिया पुनले अफ्रिकाको सबैभन्दा अग्लो हिमाल किलिमन्जारोको सफल आरोहण गरेकी छन् ।
शनिबार अफ्रिकाको समय अनुसार बिहान ७ः३० बजे सफल आरोहण गरेको उनले कर्पोरेट नेपाललाई बताइन् । पाँच हजार ८९५ मिटर उचाइको किलिमन्जारो चढेसँगै सात महादेशका अग्ला हिमाल मध्ये तीन वटा हिमालहरु आरोहण गर्न सफल भएकी छन् ।
सातै महादेशका अग्ला शिखरहरु चुम्ने लक्ष्य राखेकी उनले यसअघि सगरमाथा र अन्टार्टिकाको आकानकागुवाको आरोहण गरिसकेकी छन् । अब पुनले सातै महादेशका अग्ला शिखरहरु मध्ये चार वटा आरोहण बाँकी रहेको छ । बाँकी रहेका हिमालहरु रुसमा रहेको माउन्ट एल्ब्रस, अस्ट्रेलियामा रहेको कार्स्टेन्स पिरामिड, अमेरिकामा रहेको डेनाली, अन्टार्कटिकामा रहेको माउन्ट भिन्सन हुन् ।
