काठमाडौं । शेयर बजार दोहोरो अंकले घटेको छ । बजार तल झरेसँग कारोबार रकम पनि सवा ३ अर्बमा खुम्चिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १०.६२ अंकले घटेको हो । ०.५१ प्रतिशतले बजार घट्दा नेप्से २०७०.२५ अंकमा झरेको छ ।
आज ३०४ कम्पनीका ८४ लाख ६ हजार ७६ कित्ता शेयर किनबेच हुँदा ३ अर्ब ३८ करोड ७९ लाख ८० हजार ३ सय ८४.३३ रुपियाँ बराबरको कारोबार भएको छ ।
समग्रमा बजार घटे पनि सप्तकोशी डेभलपमेन्ट बैंक र गुराँस लघुवित्त र मानुषी लघुवित्त वित्तीयका लगानीकर्ताहरुले क्रमशः १०, ९.५६ र ८.७५ प्रतिशतले नाफा कमाएका छन् ।
त्यस्तै वीन नेपाल लघुवित्तका लगानीकर्ताहरुले सबैभन्दा बढी ७.८३ प्रतिशतले घाटा व्यहोरको छन् ।
शिवम् सिमेन्ट लिमिटेडको उच्च कारोबार भएको छ । उक्त कम्पनीको ४१ करोड ६४ लाख १७ हजार ६ सय ८०.१० रुपियाँ बराबरको कारोबार भएको नेप्सेले जनाएको छ ।