सोमबार ३१ बैशाख, २०८१ | Monday May 13, 2024
काठमाडौं । शेयर बजारमा झिनो अंकको सुधार देखिए पनि आज कारोबार रकम भने तीन अर्ब पनि पुगेन ।
नेपाल स्टक एक्सचेञ्ज लिमिटेड (नेप्से) का अनुसार आज बजार ३.२७ प्रतिशतले उचालिएको हो । ०.१५ प्रतिशतले बजार बढ्दा नेप्से परिसूचक २०७३.५३ अंकमा पुगेको हो ।
आज ३०३ कम्पनीका ७४ लाख ५९ हजार ४ सय २४ कित्ता शेयर किनबेच हुँदा २ अर्ब ८८ करोड ५६ लाख ३७ हजार ८ सय १८.९१ रुपियाँ बराबरको कारोबार भएको हो ।
समग्रमा बजारमा झिनो सुधार देखिए पनि विभिन्न ५ कम्पनीमा पोजेटिभ सर्किट लागेको छ । गोर्खाज फाइनान्स, सप्तकोशी डेभलपमेन्ट बैंक, पिपुल्स पावर र धौगागिरी लघुवित्तका लगानीकर्ताहरुले १०–१० प्रतिशतले नाफा कमाउँदा पिपुल्स हाइड्रोका लगानीकर्ताहरुले ९.९९ प्रतिशतले कमाए ।
त्यस्तै मानुषी लघुवित्तका लगानीकर्ताहरुले सबैभन्दा बढी ५.१५ प्रतिशतले घाटा व्यहोरे ।
आज गोर्खाज फाइनान्सको उच्च कारोबार भयो । उक्त कम्पनीको २३ करोड १४ लाख ५८ हजार ७७.६० रुपियाँ बराबरको कारोबार भएको नेप्सेले जनाएको छ ।
साताको पहिलो दिन हिजो आइतबार शेयर बजार १०.६२ अंकले घट्दा ३ अर्ब ३८ करोड ७९ लाख ८० हजार ३ सय ८४.३३ रुपियाँ बराबरको कारोबार भएको थियो ।
