आइतबार ६ जेठ, २०८१ | Sunday May 19, 2024
काठमाडौं– निजी क्षेत्रको मोवाइल सेवा प्रदायक कम्पनी एनसेलले आफ्नो रि–ब्राण्डिङसँगै नजिकिँदो चाडपर्वकोे अवसरमा आफ्ना ग्राहकहरुमार्फत शुभकामना आदान प्रदान गर्न शनिबार पोखराको प्रदर्शनी केन्द्र, नयाँबजारमा एनसेल मेला आयोजना गरेको छ ।
मेलामा पोखरेलीहरुका साथै पर्यटकहरुको समेत उत्साहजनक सहभागिता रहेको उनसेलले जनाएको छ । उसले यसअघि बिहीबार नारायणघाटको नारायणी नदी किनारमा मेला आयोजना गरिएको थियो । पोखरामा दिनभर आयोजित मेलामा चर्चित कलाकार तथा सांगीतिक समूहको प्रस्तुती, कमेडी, जादु, गेम स्टल, किडस् जोन र फुड स्टलहरु रहेका थिए ।
गायक सुगम पोखरेल, मिलन अमात्य, शिव परियार, एक्स ब्याण्ड तथा लाहुरेले मेलामा गीत गाएर मनोरञ्जन दिएका थिए भने हास्य कलाकार सन्दिप क्षेत्रीले सबैलाई आफ्नो प्रस्तुतीमार्फत हँसाएका थिए । कार्टुन्जक्रु र युभिएन्जल्स्को प्रस्तुतीले दर्शकलाई मत्रमुग्ध बनाएको एनसेलले आफ्नो विज्ञप्तिमा जनाएको छ ।
मेलामा सुट द रावण, मिनी बास्केटबल, बाउन्स एण्ड स्कोर र स्कोर द रियल गोल लगायतका गेमहरु राखिएका थिए । किड्स जोनमा रहेका इन्फ्लेटेड क्यासल, फेस पेन्टिङ्, वाटर बल, मेरी गो राउण्ड, बेबीगल्फ र ट्रेनलगायतमा बालबालिका रमाएका थिए ।
मेलामा एनसेलको सेवा सुविधाहरु आकर्षक अफरका साथ राखिनुका साथै डेटा सेवा, थ्रिजीको गति र अन्य डिभासहरु एनसेलको विशेष हाइटेक जोनमा दर्शकहरुले चलाएर हेर्न सकिने व्यवस्था गरिएको थियो । मेला अवलोकन गर्न आएकाहरुका लागि नेपाली, इण्डियन र चाइनिज परिकारका फुड स्टलहरुका साथै दशैं पिंग, चंगा चेट प्रतियोगिता र मगसट फोटो बुथजस्ता आकर्षणहरु रहेका थिए ।
.jpg)
नारायणघाट र पोखरापछि एनसेल मेला असोज ३ गते बुटवलमा, असोज ६ गते धरानमा र असोज ८ गते बिर्तामोडमा आयोजना हुने एनसेलले जनाएको छ ।
