काठमाडौंः निजी क्षेत्रको मोबाइल सेवा प्रदायक कम्पनी एनसेलले आफ्ना ग्राहकका लागि भ्वाइस प्याकमा ‘एकमा दुई अफर’ अफर सार्वजनिक गरेको छ । यस योजना अन्र्तगत एनसेलका प्रिपेड ग्राहकले अब करसहित २५ पैसा प्रतिमिनेट सम्ममा एनसेलको अन्य नम्बरमा कल गर्न सक्नेछन् ।
यो योजना सोमबारबाट लागु हुनेछ । यस योजनाअन्तर्गत हालकै मुल्यमा दैनिक, साप्ताहिक वा मासिक भ्वाइस प्याक खरिद गर्दा दोब्बर मिनेट प्राप्त हुनेछ । यसको मतलब, ११ रुपियाँमा ११ मिनेट टक टाइम भएको दैनिक भ्वाइस प्याकको खरिदमा अब ग्राहकले २२ मिनेट टक टाइम प्राप्त हुनेछ जुन २४ घण्टाको लागि मान्य हुनेछ ।
साप्ताहिक भ्वाइस प्याकमा ग्राहकले ६० रुपियाँमा सात दिनको समयसिमा भएको १४० मिनेट टक टाइम पाउनेछन् । हाल यो प्याकमा ग्राहकले ७० मिनेट पाउने गरेकाछन् । त्यसैगरी, मासिक भ्वाइस प्याकमा अब ग्राहकले दुईसय रुपियाँमा चारसय मिनेट नभई आठसय मिनेट प्राप्त गर्नेछन् । यसरी ग्राहकले अब मासिक भ्वाइस प्याक खरिद गर्दा २५ पैसा प्रतिमिनेट सम्ममा कल गर्न सक्नेछन् । भ्वाइस प्याकका मुल्यहरु कर सहितका हुन् ।
ग्राहकले आफ्नो भ्वास सेवाको आवश्यकता अनुसार युएसएसडी, आइभिआर, एसएमएस लगायतका माध्यमबाट भ्वाइस प्याक सुचारु गरि ‘एकमा दुई अफर’ लाभ लिन सक्नेछन् ।
ग्राहकले १७११८ डायल गरेर दैनिक भ्वाइस प्याकका लागि १, साप्ताहिक भ्वाइस प्याकका लागि २ र मासिक भ्वाइस प्याकका लागि ५ थिचेर यो सेवा सुचारु गर्न सक्नेछन् । युएसएसडीबाट सेवा सुचारु गर्न ग्राहकहरुले एस्ट्रिक १७११८ ह्यास डायल गरि आफुलाई चाहिएको विकल्प छनोट गरी सेवा सुचारु गर्न सक्नेछन् ।
त्यसैगरी, एसएमएसमार्फत भ्वाइस प्याक खरिद गर्न ग्राहकहरुले दैनिक भ्वाइस प्याकका लागि ११, साप्ताहिक भ्वाइस प्याकका लागि ६० र मासिक भ्वाइस प्याकका लागि २०० टाइप गरी १७११८ मा एसएमएस पठाई सेवा सुचारु गर्न सक्नेछन् ।
एकमा दुई अफर तीन महिनाको लागि मान्य हुनेछ । भ्वाइस प्याकको समयावधि सकिएपछि वा टक टाइम सकिएपछि, ग्राहकहरुलाई एनसेलबाट एनसेलमा कल गर्दा विद्यमान् शुल्क दुई रुपियाँ ५० (करसहित) प्रतिमिनट लाग्ने एनसेलले जनाएको छ ।