सोमबार ७ जेठ, २०८१ | Monday May 20, 2024
काठमाडौं । अमेरिकाको माउइ जंगलमा लागेको डढेलोबाट मृत्यु हुनेको संख्या मंगलवार साँझसम्म १०६ पुगेको छ । हवाई राज्यको जंगलमा लागेको डढेलोबाट मृतकको संख्या बढ्दै गएपछि सरकारको आलोचना शुरु भएको छ ।
अमेरिकी राष्ट्रपति जो बाइडेनले डढेलोबाट क्षति पुगेका परिवारलाई प्रति परिवार सात सय डलरको सहयोग गरेसँगै सरकारको आलोचना शुरु भएको हो । आलोचकहरुले उक्त सहायता रकम अपमानजनक भएको बताएका छन् ।
अमेरिकाको आपत्कालीन व्यवस्थापन एजेन्सी (फेमा)ले हवाईका बासिन्दाहरुलाई सहयोग गर्न तीन सय फेमा कर्मचारी र १४० खोज तथा उद्धार टोली खटाएको बताएको छ । डडेलोमा परी ठूलो संख्यामा पशुपंक्षीको मृत्यु भएको छ । सिन्ह्वा–नान
