सोमबार ७ जेठ, २०८१ | Monday May 20, 2024
काठमाडौं । सरकारप्रति जनताको विश्वास गुम्दै गएपछि जापानका प्रधानमन्त्री फुमियो काशिदाले एकै पटक १३ मन्त्रीलाई बर्खास्त गरु नयाँ मन्त्री नियुक्त गरेका छन् ।
बुधवार उनले जनताबाट सरकार र आफ्नो सत्तारुढ डेमोक्रेटिक पार्टी (एलडीपी)प्रति जनताको विश्वास घट्दै गएपछि मन्त्रिमण्डल पुनर्गठन गरेका हुन् ।
गत वर्ष यता काशिदाले दोस्रो पटक मन्त्रिमण्डल पुनःगठन गरेका हुन् । पुनःगठनमा १९ मध्ये १३ जना मन्त्री परिवर्तन भएका छन् । जसमध्ये ११ जना पहिलो पटक मन्त्री बनेका हुन् ।
बुधवार घोषणा गरिएअनुसार अर्थमन्त्री शुनिची सुजुकी, मुख्य क्याबिनेट सचिव हिरोकाजु मात्सुनो र उद्योगमन्त्री यासुतोशी निशिमुरा लगायत ६ जना वर्तमा क्याबिनेट सदस्य आफ्नै पदमा रहनेछन् ।
प्रमुख पदहरुमा स्थिरता कायम गर्न खोजिएको जनाइएको छ । योशिमासा हयाशीको स्थानमा परराष्ट्रमन्त्रीमा पूर्वन्यायमन्त्री योको कामिकावा नियुक्त भएका छन् । अब मन्त्रिपरिषद्मा महिलाको संख्या दुईबाट पाँच पुगेको छ ।
राष्ट्रिय परिचयपत्र प्रणालीलाई लिएर जनताको असन्तुष्टि, मूल्यवृद्धि लगायतका कारण काशिदाको आलोचना हुँदै आएको थियो । सिन्ह्वा–नान
