काठमाडौं । नेपाल विद्युत प्राधिकरणका कर्मचारीले सरकारी स्वामित्वको राष्ट्रिय बीमा बीमा कम्पनीले सावधिक जीवन बीमा वापतको पूरै रकम नदिएको भन्दै नेपाल बीमा प्राधिकरणका उजुरी गरेका छन् ।
दिनेश शिवाकोटीको नाममा बुधबार दर्ता भएको निवेदनमा दुई महिना १० दिनको बीमा वापतको ब्याज रकम कम्पनीले कर्मचारीहरुलाई नदिएको गुनासो गरिएको छ ।
आफूहरुको बीमा गत मंसिर ७ नै परिपक्व भए पनि कम्पनीले माघ १७ गते मात्रै ३९ करोड चार लाख १३ हजार ६२४ रुपियाँ चुक्तानी गरेको भन्दै त्यो बीचको ब्याज रकम समेत पाउनुपर्ने विद्युत प्राधिकरणका कर्मचारीहरुको माग छ । यस्तो रकम पाउनेहरुको सयौंको सुची देखिन्छ ।
उजुरी दिने शिकाकोटीलाई प्राधिकरणको सुचना बाहिर सार्वजनिक गरेको आरोपमा कार्यकारी निर्देशक कुलमान घिसिङले निलम्बन गरेका छन् ।