सांग्रिला डेभलपमेन्ट बैंकद्वारा अन्तरशाखा हाजिरी जवाफ प्रतियोगिता सम्पन्न

काठमाडौं । सांग्रिला डेभलपमेन्ट बैंकले आफ्नो शाखाका कर्मचारीहरुको वृत्ति विकासको उद्देश्य राखेर बृहत हाजिर जवाफ प्रतियोगिता आयोजना गरेको छ । यसैक्रममा गते बुधवार अन्तिम चरणमा राष्ट्रिय स्तरको क्विज प्रतियोगिता सम्पन्न गरेको हो । 

गत माघ २६ गते शाखास्तरमा शुरु भएको सो प्रतियोगिता फागुन २८ मा क्लष्टर स्तरमासम्पन्न भई सो प्रतियोगिताबाट छनौट भएकाहरु अन्तिम चरणमा आम्रपाली ब्याङ्क्वेट, काठमाडौंमा अन्तिम चरणको हाजिरजवाफ प्रतियोगिता सम्पन्न भएको हो ।

कार्यक्रममा बैंकका कार्यकारी एवं उच्च व्यवस्थापन तहका कर्मचारी, विभागीय तथा इकाइ प्रमुखहरु, क्लष्टर/सब–क्लष्टर प्रमुख, शाखा प्रमुखहरु तथा अन्य कर्मचारीहरुसमेत गरि भौतिक रुपमा तथा अनलाइन रही करीब ३५० भन्दा वढी कर्मचारीहरुले उत्साहजनक रुपमा सहभागी भई प्रतियोगीहरुको हौसला बढाएका थिए । 

उक्त अन्तिम चरणको हाजिर जवाफ प्रतियोगितामा संचालन समूहको तर्फबाट सुर्खेत सव क्लष्टरका महेश रावल तथा हेमन्त विसी विजयी भएका थिए भने धनगढी क्लष्टरका निरज कुँवर तथा गणेश सिंह ठगुन्ना उप विजयी भएका थिए । त्यस्तै, कर्जा समूहका तर्फबाट काठमाडौं क्लष्टरका चेतन भट्टराई तथा संजुकुमारी श्रेष्ठ विजयी भएका थिए भने विरगंज सव क्लष्टरका लवदेव पाठक तथा अरुण ब्लोन उप विजयी भएका थिए । 

कार्यक्रममा दुई समूहका चार जना विजयी कर्मचारी प्रत्येकलाई नगद रु ६०,०००/– (साठी हजार) एवम् दुई समूहका उपविजेता चार जना कर्मचारी प्रत्येकलाई नगद ४०,०००/– (चालीस हजार) पुरस्कार सहित प्रमाणत्र प्रदान गरिएको थियो । 

कार्यक्रमलाई सम्बोधन गर्दै बैंकका प्रमुख कार्यकारी अधिकृत सुयोग श्रेष्ठले इतिहासमै पहिलो तथा विकास बैंकहरुमै नौलो किसिमको यस्तो प्रतियोगिताले कर्मचारीहरुमा सिक्ने/पढ्ने बानी बसाली वृत्ती विकासमा बलियो टेवा पुग्ने हूनाले आगामी दिनहरुमा समेत यस्ता कार्यक्रमहरु थप गर्दै जाने विश्वास व्यक्त गरेका थिए ।