शुक्रबार १४ बैशाख, २०८१ | Friday Apr 26, 2024
काठमाडौं । फोहोर बोकेर गएको गाडीलाई मंगलबार पनि नुवाकोटको बन्चरेडाँडा क्षेत्रमा अवरोध गरिएको छ । सत्तारुढ दलकै स्थानीय संयन्त्रले सोमबार अवरोध गरेकोमा आज पनि त्यसलाई जारी राखिएको हो ।
अवरोधपछि प्रहरीले केही सेल अश्रुग्याँस र पाँच राउण्ड हवाईफायर गरेको थियो । फोहोरको गाडी लिएर अगाडी बढ्न खोज्दा ठूला दलले स्थानीयका नाममा आफ्ना कार्यकर्तालाई अवरोध गर्न लगाएपछि प्रहरीले हस्तक्षेप गरेको हो ।
धुनवेशी नगरपालिका १ का नेपाली कांग्रेस, नेकपा माओवादी र नेकपा एकीकृत समाजवादीले संयुक्त विज्ञप्ति निकालेर काठमाडौंको फोहोर बन्चरेडाँडास्थित ल्याण्डफिलसाइटमा फाल्न नदिने बताएका थिए ।
सडक नजिकै रहेका आन्दोलनकारी लखेटेपछि माथिबाट ढुंगा हाल्न सुरु गरिएको थियो ।
