शुक्रबार ४ जेठ, २०८१ | Friday May 17, 2024
काठमाडौं । बैंकिङ प्रणालीमा एकैदिन २० अर्ब निक्षेप थपिंदा कर्जा लगानी भने स्थिर रहेको छ ।
नेपाल राष्ट्र बैंकको तथ्याङ्क अनुसार गत आइतबार बैंक तथा वित्तीय संस्थाहरुमा उक्त निक्षेप थपिएको हो । उक्त थपिएको रकमसहित बैंकिङ प्रणालीमा ५७ खर्ब १५ अर्ब निक्षेप छ । अघिल्लो दिन ५६ खर्ब ९५ अर्ब थियो ।
त्यस्तै आइतबार कर्जा लगानी ४८ खर्ब ६१ थियो, अघिल्लो दिनभन्दा कर्जा बढ्न नसकेको राष्ट्र बैंकको तथ्याङ्कमा उल्लेख छ ।
आइतबार बैंकहरुको सीडी रेसियो ८२.०३ प्रतिशत छ । अघिल्लो दिन ८२.३१ प्रतिशत थियो । त्यस्तै अन्तरबैंक ब्याजदर १.३६ प्रतिशत छ, अघिल्लो दिन २.९९ प्रतिशत थियो ।
राष्ट्र बैंकका अनुसार कूल निक्षेप मध्ये वाणिज्य बैंकहरुमा ५० खर्ब ५० अर्ब र अन्य बैंक तथा वित्तीय संस्थाहरुमा ६ खर्ब ६६ अर्ब छ ।
त्यस्तै वाणिज्य बैंकहरुको कर्जा लगानी ४३ खर्ब १ अर्ब र अन्य बैंक तथा वित्तीय संस्थाहरुको कर्जा लगानी ५ खर्ब ६० अर्ब रहेको राष्ट्र बैंकको तथ्याङ्कमा उल्लेख छ ।
