सोमबार ७ जेठ, २०८१ | Monday May 20, 2024
काठमाडौं । नेपाल पुनर्बीमा कम्पनी लिमिटेडले नवौं वार्षिक साधारणसभा डाकेको छ ।
सभा जेठ १७ गते काठमाडौंको बत्तीसपुतलीस्थित अनुपम फुडल्यान्डमा बिहान ९ः३० बजेदेखि सुरु हुनेछ ।
सभाले गत आर्थिक वर्षको सञ्चालक समितिको वार्षिक प्रतिवेदन छलफल गरी पारित गर्नेछ । त्यस्तै, लेखापरीक्षकको प्रतिवेदनसहित गत आवको वासलात, नाफा नोक्सान हिसाब तथा नगद प्रवाह विवरण र वित्तीय विवरणसँग सम्बन्धित अनुसूची छलफल गरी पारित गर्ने एजेन्डा रहेको छ ।
सभाले कम्पनीको चुक्ता पूँजीको ०.२५ (शून्य दशमलव दुई पाँच) प्रतिशत नगद लाभांश (कर प्रयोजनार्थ) र ४.७५ बोनस शेयर वितरण गर्न स्वीकृति प्रदान गर्ने प्रस्ताव पनि पारित गर्नेछ ।
सभा प्रयोजनार्थ कम्पनीले जेठ ६ गते बुकक्लोज गर्ने निर्णय गरेको छ । तसर्थ, जेठ ५ गतेसम्म नेप्सेमा कारोबार भई कायम शेयरधनी मात्रै उक्त सभामा सहभागी हुन र प्रस्तावित लाभांश पाउन योग्य हुनेछन् ।
