काठमाडौं । मोबाईल सेवा प्रदायक कम्पनी एनसेलले पुल्चोकको लबिम मल र बालाजु चोकमा नयाँ अवधारणाको एनसेल शप (पसल) सञ्चालनमा ल्याएकोे छ ।
ग्राहकका लागि एकै ठाँउबाट विभिन्न सेवा सुविधा प्रदान गर्ने उद्देश्यले यी शपमाबाट ग्राहकले एनसेलका सेवाहरु, त्यसका बारेमा जानकारी र प्रतिस्पर्धी बजार मुल्यमा मोबाइल सेटहरु खरिद गर्न सकिनेछ ।
एनसेलका प्रवन्ध निर्देशक साइमन पर्किन्सले बुधबार एक कार्यक्रमबीच लबिम मलस्थित एनसेल शपको उद्घाटन गरे । एक छुट्टै कार्यक्रममा बालाजु चोकमा रहेको एनसेल शपको कम्पनीका रिजनल अपरेसन निर्देशक आइबेक माखाबेतोभले उदघाटन गरे ।
यी शपबाट नयाँ सिम कार्ड खरिद, सिम तथा मोबाइल नम्बर परिवर्तन,
इन्टरनेट तथा एमएमएस सेटिङ्, ट्यारिफ परिवर्तन तथा सियुजी सेवा परिमार्जन गर्न सकिनेछ । प्रबन्ध निर्देशक पर्किन्सले धेरैभन्दा धेरै ग्राहकमाझ एनसेलको सेवा सुविधाको पहुँच सहज बनाउने योजनाअनुसार यी शपहरु खोलिएको बताउ ।