मङ्गलबार ८ जेठ, २०८१ | Tuesday May 21, 2024
काठमाडौं । मंगोलियन हार्ट ब्याण्डका चर्चित गायक राजु लामाले जापानको अग्लो ३ हजार ७७६.२४ मिटर उचाइका हिमाल माउन्ट फुजी सफल आरोहण गरेका छन् ।
उनले यसअघि गत जेठ २ गते सर्वोच्च शिखर सगरमाथाको सफल आरोहण गरेको थिए । जापानमा रहेका लामाले आफू जलवायु संकटविरुद्धको सन्देश दिन माउन्ट फुजी चढेको कर्पोरेट नेपाललाई बताए । गायक लामाले अगस्ट २३ तारिखका दिन बिहान जापान समयअनुसार माउन्ट फुजीको सफल आरोहण गरेको बताए ।
उनले भने, ‘फुजी हिमालको चुचुरोमा पुगेर मंगोलियन हाट ब्यान्डको चर्चित गीत ‘पर्खाइमा भिज्यो सिरानी’ गाए ।’ गायक लामाले फुजी हिमाल आरोहणको अनुभव सुनाउर्दै चुचुरोमा पुग्न आफूलाई सात घण्टा लागेको बताए । फुजीको चुचुरोमा नेपालको राष्ट्रिय झण्डा फर्फराएको उनले बताए । उनले भने, ‘चुचुरोमा गीत गाउने क्षण निकै सुन्दर थियो ।’
यसअघि जलवायु परिवर्तनको असरबारे सन्देश दिन लामाले सगरमाथाको क्याम्प–२ र क्याम्प–३ बीचमा पुगेर एकल कन्सर्ट गरेका थिए । सगरमाथाको आरोहणअघि उनले लोबुचे पिकको सफल आरोहण गरेका थिए ।
